PREPARANDO CONTACONTOS

O paraugas DAMEAUGAS

Portada do libro de Anxo Moure

Na clase, Sonia, Lucas e Aitana, estiveron decorando un paraugas que lles vai servir para contar un dos últimos contos de Anxo Moure: "O paraugas Dameaugas", de URCO Editora. No cole xa coñecemos a Anxo, e este ano nada máis chegar o libriño, quedou "capturado" polas mans de Lucas, que tivo moi claro que sería o seguinte conto para un dos recreos da Biblio. Sonia, con el. E agora, Aitana. Creo que tres é un bo número para presentárnolo. De momento os marcapáxinas que elaboraron eles mesmos están en proceso de recortado, o paraugas está en proceso de secado e o venres teremos a sorte de escoitalo na Biblio na hora do recreo. Se queredes velos en acción, xa sabedes... ¡ESPERÁMOSVOS!